09:44, 10 Shilde 2024 | GMT +6
Qabanbaı batyr dańǵyly bes kúnge jabyldy
ASTANA. KAZINFORM — Astana qalasynyń kólik jáne jol-kólik ınfraqurylymyn damytý basqarmasy Qabanbaı batyr dańǵylynyń «Juldyz» aınalymynan Máńgilik El dańǵylyna deıingi ýchaskesinde jol tósemine ortasha jóndeý jumysy júrgiziletinin habarlady.
Osyǵan baılanysty 10-15 shilde aralyǵynda joǵaryda atalǵan ýchaske ishinara jabylady.
Bul rette qozǵalys eki baǵytta da taraptardyń biri boıynsha júzege asady.
«Elorda turǵyndary men qonaqtarynan qala joldarynda keptelis bolmas úshin óz marshrýtyn aldyn ala josparlaýdy suraımyz. Ýaqytsha qolaısyzdyq úshin keshirim suraımyz jáne jol-qurylys jumysyn júrgizýge túsinistikpen qaraýdy ótinemiz» deıdi ákimdikten.
