Kabananganyń «Vılıarreal» qaqpasyna soqqan goly úzdik bestikke endi

ASTANA. QazAqparat - Elordalyq «Astana» fýtbol klýbynyń shabýylshysy Jýnıor Kabananganyń golyn osy aptadaǵy úzdik goldar sapyna endi, dep habarlaıdy QazAqparat sports.kz saıtyna silteme jasap.

Eske salsaq, 23 qarashada ÝEFA Eýropa lıgasy toptyq kezeńiniń 5-týry aıasynda «Astana» Ispanııanyń «Vılıarreal» klýbyna ese jiberdi .
Bir qýantarlyǵy osy matchtaǵy elordalyq fýtbolshy Jýnıor Kabananaganyń goly ÝEFA tujyrymy boıynsha aptadaǵy eń úzdik 5 goldyń qataryna endi. Shabýylshynyń golyn belgili sheteldik BAQ-ta atap ótti.

«Kabananga besinshi týrdyń alǵashqy jáne úzdik goldarynyń birin soqty. Ol alystan dál soqqy jasap, esepti 1:0 qyldy. Odan ádemi gol kórseńiz, jolyńyzdyń bolǵany!» - dep jazdy Talkingbaws.com saıty.

Aıta keteıik, «Astananyń» pleı-off kezeńine shyǵý máselesi sheshýshi týrda belgili bolady. Ázirge el chempıonynyń enshisinde 7 upaı bar.