Kabananga «ál-Nassr» klýbyna ketti
ASTANA. QazAqparat - «Astana» FK shabýylshysy Djýnıor Kabananga Saýd Arabııasynyń «ál-Nassr» klýbynyń oıynshysy retinde resmı túrde tanystyryldy, dep habarlaıdy «SPORTINFORM» SAA.
«Astananyń» úzdik shabýylshysy seısenbi kúni Ár-Rııadqa baryp, «ál-Nassr» klýbymen 2,5 jylǵa jasalǵan kelisimshartqa qol qoıyldy. Mámile somasy 2 mıllıon eýro degen aqparat bar. Klýb 28 jastaǵy kongolyq fýtbolshyny óz oıynshysy retinde resmı tanystyryp ta úlgerdi.
Djýnıor Kabananga «Astanaǵa» 2015 jyly Belgııanyń «Serkl-Brıýgge» klýbynan kelgen, elordada ótkizgen úsh jyl ishinde úsh dúrkin Qazaqstan chempıony atandy, ótken maýsymda Premer-lıganyń bas qaharmandarynyń birine aınaldy, sondaı-aq Eýropa lıgasynda da kózge tústń. Sol aralyqta birneshe aı Túrkııanyń «Karabıýkspory» sapynda óner kórsetýge de úlgerdi. Qazaqstan Premer-lıgasynda 56 kezdesýde 29 goldyń avtory boldy.
