Qabaǵan ıt úsh aıýdy jeńdi
ASTANA. QazAqparat - Kalıfornııadaǵy jekemenshik turǵyn úıdiń aýlasynda ornatylǵan beınebaqylaý taspasy batyl amerıkandyq býldogtyń naǵyz erligin túsirip aldy.
Salmaǵy nebári toǵyz keli tartatyn ıt aıýlardy qýyp shyqty. Atap aıtqanda, azyq izdep júrgen urǵashy aıý eki qonjyǵymen aýlaǵa kirip ketken. Sol kezde Jıýlı atalatyn býldog ózinen edáýir iri jyrtqyshtarǵa qarsy umtyldy.
Basynda aıýlar kishkentaı ıtke toıtarys bergisi keldi, biraq ol órshelene túsken soń, maımaqtarǵa qashýǵa týra keldi.
