QazUÝ álemniń úzdik 250 ýnıversıtetiniń qataryna endi
ASTANA. QazAqparat - World university Rankings QS (Ulybrıtanııa) halyqaralyq bedeldi reıtıng agenttiginiń zertteýlerine sáıkes ál-Farabı atyndaǵy QazUÝ álemniń 250 úzdik ýnıversıtetiniń qataryna enip, 236 ornyn saqtap qaldy, dep habarlaıdy JOO-nyń baspasóz qyzmeti.
Bıyl bul topqa TMD elderiniń tórt ýnıversıteti kirdi - M.Lomonosov atyndaǵy MMÝ, Novosıbırsk pen Sankt-Peterbýrg memlekettik ýnıversıtetteri jáne QazUÝ.
Qazaqstandyq jetekshi oqý orny Ortalyq Azııa men TMD elderinde óziniń kóshbasshylyǵyn dáleldep, álemdik deńgeıdegi básekege qabilettiligi joǵary ekendigin kórsetti.
QS reıtıngisin júrgizý barysynda akademııalyq bedel, ǵylymı jarııalanym, oqytýshylar men bilim alýshylardyń ara salmaǵy, jumys berýshiler arasyndaǵy bedel, sheteldik oqytýshylary men stýdentteriniń úlesi tárizdi kórsetkishter esepke alyndy.
«Ýnıversıtettiń halyqaralyq reıtıngte tabysty túrde alǵa jyljýyna zamanaýı talaptarǵa saı júzege asyrylǵan keshendi qurylymdyq jetildirý yqpal etti. QS sarapshylarynyń keńesimen álemniń jetekshi ýnıversıtetteri QazUÝ-dyń ilgeri jyljý tájirıbesin zertteýde. Ýnıversıtet bilim men ǵylymnyń, ınnovatsııanyń jetekshi ortalyǵy retinde álemniń 200 úzdik ýnıversıtetiniń qataryna kirýdi kózdeıdi», - delingen habarlamada.
