«Qa­rabatyr» agrofırmasynyń dırektory Frantsııa ónerkásip óndirisine qoldaý kórsetý qaýymdastyǵynyń Úl­ken altyn medalimen marapatttaldy

Medal Fran­tsııanyń memlekettik nagradasy bolyp tabylady. Bul medaldiń tarıhy bar. Atalǵan qaýymdas­tyq halyqaralyq bıznespen baılanys ornatý úshin kezinde Napoleon Bonaparttyń jarly­ǵy­men qurylypty. Al 1868 jyly qaýymdastyqtyń Úl­ken altyn medali úzdikterdi marapattaý úshin taǵaıyndalǵan eken. Sodan beri bul joǵary nagradamen frantsýzdyń jáne shet­elderdiń kásipkerleri, ǵa­lymdary, óner qaıratkerleri marapattalady. Nagradaǵa úmit­kerlikke qoıylatyn basty talap: joǵary kásibı biliktilik jáne saladaǵy jańashyl­dyq. 1998 jyldan bastap bul nag­ra­daǵa damýshy elder de qol jet­kize bastapty.

Jázıt Kárimuly elimiz na­ryqqa kóshken jyldary buryn­ǵy sharýashylyqty agrofırma etip qaıta quryp, óndiristi ja­ńa­sha uıymdastyrýdyń úlgisin kórsetken bolatyn. Elimizdegi alǵashqy fermerdiń sharýashy­lyǵy qanat jaıdy, soǵan sáı­kes turǵyndardyń, aýyl eńbek­kerleriniń áleýmettik jaǵdaıy da jaqsardy. 1996 jyly onyń bastamasyn Elbasy Nursultan Nazarbaevtyń ózi qoldap, ozyq tájirıbe óris alǵan edi. 2000 jyly Jázıt Kárimuly Qazaq­stannyń «Jyl adamy» atandy. Elimizdiń ózge marapattarynan da kende bolǵan joq.

- Parıjdegi marapattaý qaý­ymdastyqtyń úlken saraıynda ótti. Sodan keıin Frantsııa par­lamentiniń senatorlary qabyl­dady, keshkisin saltanat Napoleon saraıynda jalǵasty, -deıdi Jázıt Kárimuly.

J.Qudaıqul - Qostanaıda Frantsııanyń joǵary nagradasyna ıe bolǵan ekinshi adam. Bi­rinshisi - A.Baıtursynov atyn­daǵy Qostanaı memle­ket­tik ýnı­versıtetiniń burynǵy rektory, ǵalym-metallýrg, bú­gingi senator Husaıyn Valeev bolatyn, dep jazady «Egemen Qazaqstan» gazeti.