Q. Jańbyrshın: Konstıtýtsııanyń qabyldanýy - el tarıhyndaǵy úlken betburysty oqıǵa
Saltanatty jınalysta Esep komıtetiniń Tóraǵasy Qozykórpesh Jańbyrshın ujymdy Qazaqstan Respýblıkasy Konstıtýtsııasynyń aldymyzdaǵy 20 jyldyq mereıtoıymen quttyqtady.
«1995 jyly jalpyhalyqtyq referendýmda Elbasymyz Nursultan Ábishuly Nazarbaevtyń bastamasymen jáne tikeleı basshylyǵymen ázirlengen Negizgi zań qabyldanyp, ol Qazaqstandy zaıyrly, quqyqtyq jáne birtutas memleket retinde jarııa etti», - dedi quttyqtaý sózinde Q.Jańbyrshın.
Esep komıteti Tóraǵasynyń aıtýynsha, Konstıtýtsııanyń qabyldanýy elimizdiń tarıhyndaǵy úlken betburysty oqıǵa boldy. Konstıtýtsııa egemendegimizdi nyǵaıtý men bıliktiń zańdylyǵyn ornyqtyrýda sheshýshi ról atqaryp, ulttyq zańnamamyzdyń quqyqtyq irgetasyn qalady. Ol adamnyń quqyǵy men erkindiginiń myzǵymas basymdyǵyn bekitip, memleketimizdiń mártebesin jańa, demokratııalyq negizge kóterdi.
Q.Jańbyrshın Konstıtýtsııa Qazaqstannyń memlekettik qurylysyn aıtarlyqtaı jetildirýge jáne jańa basqarý qurylymdaryn qurýǵa múmkindik bergenin atap kórsetti.
Tóraǵa sózin «Esep komıtetinde eńbek etetin bizder úshin onyń Konstıtýtsııada kózdelgen sanaýly memlekettik organdardyń biri bolǵany zor maqtanysh. Ata zańymyzda bekitilgen joǵary mártebege saı bolý bizdiń mindetimiz» - dep tujyrymdady.
Jınalys barysynda Q.Jańbyrshın Esep komıtetiniń birqatar qyzmetkerlerine «Qazaqstan Konstıtýtsııasyna 20 jyl» mereıtoılyq medalin, III dárejeli «Qarjy saqshysy» vedomstvolyq medalin, sondaı-aq, Esep komıteti Tóraǵasynyń qurmet gramotalary men alǵys hattaryn tapsyrdy, dep habarlady atalmysh vedomostvonyń baspasóz qyzmeti.