Q.Jańbyrshın: Bıýdjet kodeksindegi «bıýdjet qarjysynyń ıgerilmeýi» termıni naqty uǵyndyrylýy tıis
«Jyl saıyn Úkimet pen Esep komıteti arasynda ıgerilmegen bıýdjet qarjysy kólemine qatysty qaıshylyq bar dep aıtqannan góri bıýdjet kodeksindegi atalǵan termındi uǵyndyrý durys dep sanaımyn. Sonda bul másele joıylar edi», - dedi ol BAQ ókilderiniń saýalyna oraı.
Onyń atap ótýinshe, jyl saıyn bıýdjetti sapasyz josparlaýdyń nátıjesi bolyp tabylatyn kóptegen qarjylyq buzýshylyqtar týraly faktilerdi alǵa tartqannan góri bir ret bıýdjetti josparlaıtyn organǵa jaýapkershilik júkteıtin normany zańnamaǵa engizgen jón. Dál osylaı bolǵan jaǵdaıda kóptegen máseleler sheshiler edi.
Q.Jańbyrshınniń paıymynsha, Úkimet pen Esep komıteti respýblıkalyq bıýdjettik oryndalmaýy týraly birdeı túsinik berýi úshin Bıýdjet kodeksin naqtylaı túsýi qajet.
«Biz respýblıkalyq bıýdjettiń ıgerilmeı qalǵan qarajatyna respýblıkalyq bıýdjetten transfert túrinde qandaı da bir naqty nátıjege qol jetkizý úshin ortalyq memlekettik organdarǵa, jergilikti memlekettik organdarǵa, kvazımemlekettik sektorǵa bólingen qarjy jatady dep esepteımiz. Mine, olar respýblıkalyq bıýdjetten bólindi jáne qarjy jylynyń sońynda atalǵan aqsha ıgerilmeı qaldy. Dál osy aqshany biz respýblıkalyq bıýdjettiń ıgerilmeı qalǵan qarjysy dep sanaımyz», - dedi ol.
Sonymen qatar, komıtet tóraǵasy kúzge qaraı áli kúnge deıin zańnamadaǵy sheshilmegen máseleler joıylýy tıistigin basa aıtty.
«Ótken jyly biz ortaq pikirge kelgen bolatynbyz. Biraq, bul jyl ońaı bolmady. Degenmen, biz bıýdjettik kodekske kúzde túzetýler engizemiz dep ýaǵdalastyq. Al odan keıin eshqandaı aıyrmashylyq bolmaıdy», - dedi Q.Jańbyrshın.
