Q. Jańahanov QR Parlamenti Májilisi baspasóz qyzmetiniń jetekshisi qyzmetine taǵaıyndaldy
ASTANA. 7 aqpan. QazAqparat - Qaısar Jańahanov Qazaqstan Respýblıkasy Parlamenti Májilisi apparaty baspasóz qyzmetiniń jetekshisi bolyp taǵaıyndaldy.
Buǵan deıin ol «Astana» telearnasynyń bas dırektory boldy.
Q.Jańahanov 1972 jyly 19 shildede týǵan. 1997 jyly Abaı atyndaǵy Almaty memlekettik ýnıversıtetin «saıasattanýshy» mamandyǵy boıynsha bitirgen. 2001-2004 jyldary QR mádenıet, aqparat jáne qoǵamdyq kelisim mınıstrliginiń BAQ departamentiniń jetekshi, bas mamany elektrondyq baspasóz bóliminiń bastyǵy. 2004 jyly QR Prezıdenti Ákimshiliginiń jurtshylyqpen jáne baspasózben baılanys bóliminiń bas sarapshysy, sektor meńgerýshisi. 2004-2006 jyldary - QR mádenıet, aqparat jáne sport mınıstrliginiń aqparat jáne muraǵattar komıteti tóraǵasynyń orynbasary, tóraǵasy. 2006 jyly - QR Prezıdenti Ákimshiliginiń áleýmettik-saıası bólimi meńgerýshisiniń orynbasary.
2006-2007 jyldary - «KazEnergy» Qazaqstandyq munaıgaz jáne energetıkalyq kesheni uıymdary qaýymdastyǵy» ZTB atqarýshy dırektory. 2007 jyly - «Samuryq» Qazaqstandyq aktıvterdi basqarý holdıngi» AQ adam resýrstaryn damytý departamenti dırektorynyń orynbasary.
2007-2008 jyldary «Raýan Medıa Grýpp» AQ bas dırektorynyń orynbasary - aqparattyq taldaý ortalyǵynyń dırektory. 2008-2009 jyldary - «Arna-Medıa» UAH» AQ basqarma tóraǵasynyń orynbasary. 2009-2011 jyldary «Nur-Medıa» holdınginiń bas dırektory. 2011 jylǵy jeltoqsannan «Astana» telearnasynyń bas dırektory qyzmetinde boldy.
