Q. Jaqypov: Nursultan Nazarbaev - ıdeıalary halyqtyń ıntellektýaldy qýatyn uly isterge jumyldyra alatyn Kóshbasshy
Búgin Astanada ótip jatqan Qazaqstan halqy Assambleıasynyń 20 jyldyǵyna arnalǵan «Qazaqstandyq jol: Birlik. Patrıotızm. Reformalar» atty halyqaralyq konferentsııada sóz sóılegen Parlament Májilisiniń spıkeri Qabıbolla Jaqypov osylaı málimdedi.
Májilis Tóraǵasynyń aıtýyna qaraǵanda, qazaqstandyq joldyń tabystylyǵyndaǵy eń basty faktor - bul Tuńǵysh Prezıdent - Elbasy Nursultan Nazarbaev kóshbasshylyǵynyń álemde moıyndalýynda bolyp otyr.
«Táýelsizdigimizdiń alǵashqy kúninen bastap el Prezıdenti Qazaqstannyń ishki jáne syrtqy saıasatynyń absolıýtti ári berik negizi retinde beıbitshilik pen kelisim qundylyqtaryn qalap qana qoıǵan joq, Qazaqstan halqynyń birligin nyǵaıtýǵa, barlyq etnostar men konfessııalardyń quqyǵy men bostandyqtaryn qamtamasyz etýde ólsheýsiz úles qosyp keledi. Nursultan Nazarbaev - ıdeıalary halyqtyń ıntellektýaldy qýatyn uly isterge jumyldyra alatyn uly Kóshbasshy. Nazarbaev - shyn máninde Halyqtyq Prezıdent», - dedi Qabıbolla Jaqypov.
Sonymen qatar, Májilis spıkeri qazaqstandyq damý modeliniń erekshelikterin bildiretin quramdas bólikterin de atap ótti. Onyń paıymynsha, buǵan ekonomıkalyq damý turaqtylyǵy, barlyq azamattardyń teń quqylyǵy, mádenı alýandylyqty saqtaı otyryp, ulttyq birtektilikti qalyptastyrý, úılesimdi tildik saıasat, sondaı-aq Qazaqstan halqy Assambleıasynyń tıimdi qyzmeti jatady.
