Q. Jaqypov: Búgingi Qazaqstan - iri halyqaralyq uıymdarda tóraǵalyq etý tájirıbesi jetkilikti beıbitsúıgish memleket
«Syrtqy saıasat - bul ishki saıasattyń jalǵasy» degen ádil aıtylǵan naqyl sóz bar. Osy turǵydan alsaq, Qazaqstannyń ishki saıasatyndaǵy bazalyq qundylyqtary bizdiń elimizdiń syrtqy saıasat basymdyqtarynda, bitimgerlik bastamalarynda tabıǵı jalǵasyn taýyp keledi. Qazaqstan Táýelsizdiginiń alǵashqy kúninen álemdegi tórtinshi ıadrolyq qarý arsenalynan óz erkimen bas tartyp, Semeı ıadrolyq synaq alańyn óz erkimen japty», - dedi jıyn barysynda sóılegen sózinde Májilis Tóraǵasy.
Sonymen qatar, ol Memleket basshysy Nursultan Nazarbaevtyń tikeleı ózi iri halyqaralyq bitimgerlik úderisterge qatysqanyn, postkeńestik keńistikte, sonyń ishinde Taýly Qarabaqta, Tájikstan men Qyrǵyz elinde turaqtylyqtyń saqtalýy úshin, sondaı-aq Ýkraınadaǵy jaǵdaı boıynsha kelissózder úderisin jolǵa qoıý úshin kóptegen ári tótenshe mańyzdy sharalar atqarǵanyn atap ótti. Budan bólek, óńirlik jáne jahandyq qaýipsizdikti nyǵaıtý, ózara árekettesý men yntymaqtastyqty jandandyrý maqsatynda Qazaqstanda Aýǵanstanǵa kómek jónindegi Ystambul konferentsııasy ótti, Iran ıadrolyq baǵdarlamasy boıynsha kelissózderdiń eki raýndy júrgizildi. Jaqynda ǵana Sırııadaǵy jaǵdaıdy retteý boıynsha kelissózder uıymdastyryldy. Sonymen qatar, Qazaqstan «Bitimgershilik qyzmetter týraly» zań qabyldady.
«Osy arqyly búgingi tańda Qazaqstan BUU beıbitshilikti qoldaý jónindegi halyqaralyq bitimgershilik mıssııasyna qomaqty úles qosyp keledi. Búgingi Qazaqstan - EQYU, Islam Yntymaqtastyq Uıymy sekildi iri halyqaralyq uıymdarda tóraǵalyq tájirıbesi bar, Azııadaǵy Ózara Іs-qımyl jáne Senim sharalary jónindegi Keńesti shaqyrý ıdeıasyn tabysty júzege asyryp kele jatqan ashyq beıbitsúıgish memleket. Qazaqstan óz erkimen Reseı, Qytaı, AQSh, eýropalyq Odaq sekildi basqa da barlyq memlekettermen strategııalyq áriptestikti júzege asyryp kele jatqan memleket», - dep atap ótti Májilis spıkeri.
