Q.Turǵanqulov: Saılaýdy baıqaý jónindegi túrli uıymdarmen jan-jaqty yntymaqtastyq - bizdiń turaqty tájirıbemiz

ASTANA. QazAqparat - Búgin QR Ortalyq saılaý komıssııasynyń tóraǵasy Qýandyq Turǵanqulov «Qazaqstan Respýblıkasyndaǵy saılaýdy baqylaý jónindegi respýblıkalyq qoǵamdyq komıssııa» respýblıkalyq qoǵamdyq birlestiginiń múshelerimen kezdesti.

T.Turǵanqulov kezdesýge qatysýshylardy Qazaqstan Respýblıkasy Prezıdentiniń kezekten tys saılaýyn ótkizý jónindegi Ortalyq saılaý komıssııasynyń jumysymen tanystyrdy.

«Saılaýdy baıqaý jónindegi túrli uıymdarmen jáne birlestiktermen jan-jaqty yntymaqtastyq - bizdiń turaqty tájirıbemiz. Halyqaralyq jáne otandyq baıqaýshylardyń saılaý protsesiniń barlyq kezeńderine baqylaýdy júzege asyrýǵa qatysýyn saılaý naýqanynyń jarııaly jáne ashyqtyq ahýalyn qamtamasyz etýge járdemdesý retinde qarastyramyz. Azamattardyń elektorattyq belsendiligi men saılaý ınstıtýtyna senimin arttyrýdyń basty tásili retinde transparenttik - tek Ortalyq saılaý komıssııasynyń ǵana emes, sondaı-aq saılaý protsesiniń barlyq sýbektileriniń, jalpy qoǵamnyń basty mindetteriniń biri», - dep atap ótti Q. Turǵanqulov.

Kezdesýge SBRQK tóraǵasy N.Erimbetov, orynbasary J.Qusmanǵalıeva, SBRQK shtabynyń basshysy N.Tileýkenov, QR OSK-nyń barlyq músheleri, sonymen qatar SBRQK músheleri Sh. Lepsibaev, Ǵ. Shalahmetov qatysty.