Q.Turǵanqulov RF OSK tóraǵasymen kezdesti
ASTANA. QazAqparat - Búgin QQR Ortalyq saılaý komıssııasynyń tóraǵasy Qýandyq Turǵanqulov RF Ortalyq saılaý komıssııasynyń tóraǵasy Vladımır Chýrovpen kezdesti.
Kezdesý barysynda Q.Turǵanqulov elektorattyq kezeńdegi Ortalyq saılaý komıssııasynyń jumysy, daýys berý kúnine saılaý organdarynyń daıyndyǵy týraly aıtyp berdi.
Kezdesýge qatysýshylar eki eldiń saılaý organdarynyń qyzmetin uıymdastyrý, sondaı-aq QR OSK men RF OSK arasyndaǵy ekijaqty yntymaqtastyq máseleleri jóninde pikir almasty.
V.Chýrov QR Ortalyq saılaý komıssııasynyń basshylyǵyna shaqyrýy úshin rızashylyǵyn bildirdi jáne saılaý naýqanynyń tabysty ótýin tiledi.
«Respýblıka ómirindegi Prezıdent saılaýy sııaqty jaýapty ishki saıası sharanyń tolyǵymen zańnama normalaryna jáne halyqaralyq demokratııalyq qaǵıdattarǵa sáıkes ótkizilýi óte mańyzdy, óıtkeni bul - qazaqstandyq qoǵamnyń turaqty damý jolynda kezekti eleýli qadam», - dep atap ótti ol.
Óz kezeginde, Q. Turǵanqulov reseılik delegatsııaǵa saılaýdy baıqaýda tabys tiledi.
