Q.Turǵanqulov Estonııa Ulttyq saılaý komıteti tóraǵasynyń orynbasarymen kezdesti
ASTANA. QazAqparat - Búgin QR Ortalyq saılaý komıssııasynyń tóraǵasy Qýandyq Turǵanqulov Estonııa Respýblıkasy Ulttyq saılaý komıteti tóraǵasynyń orynbasary Melıs Erıkpen kezdesti.
«Sizdiń elimizge saparlaǵanyńyz úshin rızashylyǵymdy bildiremin. Siz bizdiń áriptesimizsiz jáne saılaý úderisin óte jaqsy bilesiz. Menińshe, sizderdiń taraptaryńyzdan bilikti, shynaıy baıqaý oryn alady. Sizderdiń bizde ótetin saılaýǵa qatysty pikirlerińiz ben qorytyndylaryńyz óte qundy bolatyndyǵy sózsiz», - dedi Q.Turǵanqulov kezdesý barysynda.Sonymen qatar ol delegatsııa múshelerine Ortalyq saılaý komıssııasynyń prezıdenttik saılaýdy ázirleý men ótkizý jónindegi qyzmetimen tanystyryp, saılaý naýqanynyń erekshelikteri, daýys berý kúnine daıyndyq barysy týraly aıtyp berdi. Sonymen qatar ol delegatsııa músheleriniń Qazaqstan Respýblıkasyndaǵy zańnamalyq baza men saılaýdy ótkizý tájirıbesine qatysty, úgit naýqanynyń barysy men kandıdattardyń belsendiligi týraly, sondaı-aq Ortsaılaýkomnyń BAQ-pen elektorattyq kezeńde halyqty aqparattandyrý bóligindegi yntymaqtastyǵy týraly suraqtaryna jaýap berdi.Kezdesýge qatysýshylar saılaý naýqanynyń órkenıetti jáne oryndy ótip jatqanyn, bul - jaqsy uıymdastyrylǵan daıyndyq pen Qazaqstannyń ashyq, aıqyn jáne demokratııalyq saılaýdy ótkizýge talpynysy týraly kýálandyratynyn atap ótti.
