Q. Turǵanqulov EQYU/DIAQB sarapshylaryna tıimdi jumys úshin qajetti málimetter men materıaldardy usynýǵa daıyn ekenin jetkizdi

ASTANA. QazAqparat - Búgin QR Ortalyq saılaý komıssııasynyń Tóraǵasy Q. Turǵanqulov Eýropadaǵy qaýipsizdik jáne yntymaqtastyq uıymynyń Demokratııalyq ınstıtýttar jəne adam quqyqtary jónindegi bıýro mıssııasynyń qajettilikterdi baǵalaý jónindegi múshelerimen kezdesti, dep habarlady QR OSK baspasóz qyzmetinen.

4 naýryz kúni Qazaqstan Respýblıkasy Ortalyq saılaý komıssııasynyń Tóraǵasy Q. Turǵanqulov EQYU/DIAQB Mıssııasynyń qajettilikterdi baǵalaý jónindegi músheleri - EQYU/DIAQB keńesshileri: Rıchard Lapın men Radıvoe Grýıchpen kezdesti.

Ortalyq saılaý komıssııasy basshysy halyqaralyq sarapshylardy OSK-nyń 2015 jylǵy 26 sáýirge taǵaıyndalǵan Qazaqstan Respýblıkasy Prezıdentiniń kezekten tys saılaýyn ázirleý men ótkizý jónindegi jumysymen tanystyrdy.

Ol sarapshylardy saılaýdyń quqyqtyq bazasy, saılaý naýqanynyń negizgi kezeńderiniń merzimderi, ony aqparattyq súıemeldeý jáne saılaý protsesine qatysýshylardy oqytý týraly aqparattandyrdy.

Sondaı-aq Q. Turǵanqulov EQYU/DIAQB usynymdaryn iske asyrý jónindegi jumys jáne Qazaqstannyń qazirgi ýaqytta halyqaralyq standarttarǵa tolyqtaı sáıkes derlik saılaý zańnamasy dáıekti túrde júıeli jetildirilip otyratyny týraly aıtty.

Kezdesý barysynda Prezıdenttikke kandıdattardy qoldap qol jınaý protsesi men merzimderine, lıngvıstıkalyq komıssııa qyzmetiniń quqyqtyq negizderine, saılaýdy uıymdastyrýshylardy oqytý, saılaý protsesine qatysýshylardy ádistemelik quraldarmen qamtamasyz etý jónindegi OSK-nyń jumysyna, úgit naýqany kezeńindegi BAQ-tyń is-áreketterine, barlyq kandıdattardyń BAQ-qa teń qol jetkizýin qamtamasyz etýge, shaǵymdar men apellıatsııalardy berý jáne qaraý rásimderine qatysty máseleler talqylandy.

Q. Turǵanqulov sondaı-aq, halyqaralyq sarapshylarǵa Qazaqstan Respýblıkasy Ortalyq saılaý komıssııasy saılaý protsesin uıymdastyrýdyń barlyq máseleleri men qyrlary boıynsha yntymaqtastyq úshin ashyq ekenin jáne EQYU/DIAQB sarapshylaryna olardyń tıimdi jumysy úshin barlyq qajetti málimetter men materıaldardy usynýǵa daıyn ekenin jetkizdi.