Q.Turǵanqulov Belarýs baıqaýshylarymen kezdesti
Kezdesý barysynda OSK tóraǵasy halyqaralyq baıqaýshylardy Ortalyq saılaý komıssııasynyń prezıdenttik saılaýdy ázirleý jáne ótkizý jónindegi qyzmetimen tanystyryp, saılaý naýqanynyń erekshelikteri, daýys berý kúnine daıyndyq barysy týraly aıtyp berdi. Sonymen qatar ol Qazaqstanǵa elimizdiń Syrtqy ister mınıstrliginiń usynýymen akkredıttelgen myńnan astam halyqaralyq baıqaýshy men sheteldik BAQ ókilderi kelgenin atap ótti.
«Búgingi tańda bizde 9741 saılaý ýchaskesi saılaýǵa tolyq daıyn. Kadrlyq, materıaldyq turǵydan qamtamasyz etildi. Saılaýshylardyń tizimi túzildi. Munyń barlyǵy jasaldy jáne biz saılaýshylardyń ózderiniń saılaý quqyqtaryn júzege asyrýy úshin daıynbyz», - dedi Q.Turǵanqulov.
Aıta keteıik, kezdesýge Belarýs tarabynan atalǵan eldiń Saılaý jáne respýblıkalyq referendýmdar ótkizý jónindegi ortalyq komıssııasynyń tóraıymy Lıdııa Ermoshına, komıssııa múshesi Svetlana Katsýba, Belarýstyń Qazaqstandaǵy Tótenshe jáne Ókiletti Elbasy Anatolıı Nıchkasov qatysty.
