Q.Toqaevqa úlken jaýapkershilik júgi artylyp otyr - Gaýhar Aldambergenova
«Otandastarymyz Qasym-Jomart Kemelulyn egemendiktiń eleń-alań jyldarynan beri Qazaqstannyń Tuńǵysh Prezıdenti Nursultan Ábishulynyń senimdi seriktesi, shákirti retinde biledi. Sondyqtan da memlekettiń negizin qalaǵan tulǵanyń elimizdiń damýyna ózindik úlesin qosyp kele jatqan bilikti saıasatkerge Qazaq eliniń taǵdyryn senip tapsyrǵany jáne úlken jaýapkershilik júgin artqany - el bolashaǵynyń baǵdaryn aıqyndap bergeni dep túsinemiz», - deıdi Qyzdar ýnıversıtetiniń rektory.
Sonymen qatar Gaýhar Aldambergenova irgeli bastamalarǵa uıytqy bolyp otyrǵan «Nur Otan» partııasynyń atynan túsetin úmitker ótkenimizdi umytpaı, bolashaqty ulyqtaýǵa ózindik úlesin qosyp, el azamattarynyń kóńil údesinen shyǵatynyna kámil senimdi ekendigin atap ótti.
«Elbasy egemendik jyldary Qazaqstannyń álemdik sahnadaǵy bedeli men ornyn aıqyndap, damýdyń qazaqstandyq úlgisin qalyptastyrdy. Bul kezeńde halyqtyń ál-aýqaty artyp, turmys deńgeıi kóterildi. Jurtshylyq úshin jaǵymdy jaqsy úrdisti odan ármen jalǵastyrý búginde úlken mańyzǵa ıe. Bul turǵyda Q. Toqaev Qazaqstannyń Tuńǵysh Prezıdentiniń salıqaly saıasatyn odan ármen jalǵastyra alatyn birden-bir saıasatker», - dedi Gaýhar Aldambergenova.
Ýnıversıtet rektorynyń aıtýynsha, Qasym-Jomart Kemeluly álemdik saıasat sahnasynda da ózindik dara orny bar, dıplomatııanyń qyr-syryn tereń meńgergen tulǵa. Bul qasıetter Qazaqstannyń búgingi abyroıyn asqaqtatyp, bedelin odan ármen kóterýge yqpal etpek.
Aıta keteıik, búgin QR Tuńǵysh Prezıdenti - Elbasy, «Nur Otan» partııasynyń Tóraǵasy Nursultan Nazarbaevtyń jetekshiligimen partııanyń kezekten tys HІH sezi ótip, onda 2019 jyldyń 9 maýsymǵa taǵaıyndalǵan kezekten tys prezıdenttik saılaýǵa kandıdat retinde Qasym-Jomart Toqaev bekitildi.
