Q. Toqaev Túrkııa shekarasynda reseılik Sý-24 ushaǵynyń atyp túsirilýine qatysty pikir bildirdi
ASTANA. QazAqparat - QR Parlamenti Senatynyń Tóraǵasy Qasym-Jomart Toqaev Túrkııa shekarasynda reseılik ushaqtyń atyp túsirilýine qatysty pikirin Tvıtterdegi paraqshasynda bildirgen.
«Túrik áskerı áýe kúshteriniń reseılik bombalaýshy ushaǵyn negizsiz atyp túsirýi - ekijaqty qarym-qatynas úshin asa aýyr saldary bolýy múmkin kúrdeli oqıǵa», - dep jazady Q. Toqaev.
Esterińizge sala keteıik, keshe Túrkııa men Sırııa shekarasynda túrik áskerı áýe kúshteri reseılik Sý-24 bombalaýshy ushaǵyn atyp túsirgen bolatyn. Bul aqparatty Reseı prezıdenti Vladımır Pýtın de, Túrkııa basshysy Redjep Taıyp Erdoǵan da rastady.
