Q.Toqaev Túrki akademııasynyń basshysyn qabyldady

ASTANA. QazAqparat - Senat tóraǵasy Qasym-Jomart Toqaev Halyqaralyq Túrki akademııasynyń prezıdenti Darhan Qydyrálini qabyldady.

Ol joǵarǵy Palatanyń basshysyn naýryzdyń sońynda BUU shtab-páterinde bolǵan «Jibek jolynyń boıyndaǵy sınergııa jáne BUU 2030 Kún tártibi» halyqaralyq sımpozıýmy týraly habardar etti.

Joǵarǵy deńgeıdegi forým alǵash ret uly Jibek jolynyń aıasyndaǵy jan-jaqty yntymaqtastyqtyń ózekti máselelerin talqylady jáne BUU-ǵa múshe memleketterge tıisti usynymdar ázirledi.

Q.Toqaev Qazaqstan Prezıdenti N.Nazarbaevtyń bastamasy boıynsha qurylǵan Túrki akademııasynyń budan bylaıǵy tabysty qyzmetine tilektestigin bildirdi.