Q. Toqaev tóraǵalyǵynda Senat 532 zań qabyldady
ASTANA. 15 sáýir. QazAqparat /Qanat Mámetqazyuly/ - Búgin QR Parlamenti Cenatynyń jalpy otyrysynda BUU-daǵy joǵary laýazymdy qyzmetke aýysýyna baılanysty qyzmetinen bosatylǵan Qasym-Jomart Toqaev jıyn barysynda sóz sóılep, kórsetken qoldaýy úshin Memleket basshysyna alǵysyn aıtyp, áriptesterine rızashylyǵyn bildirdi.
«Eń aldymen Senat depýtattarynyń búgingi basqosýynda Memleket basshysyn balamaly prezıdenttik saılaýdaǵy aıqyn jeńisimen quttyqtaǵym keledi. Saılaýdyń ádil de ashyq ótkendigin halyqaralyq qaýymdastyq tolyq moıyndady. Sizdiń jeńisińiz bul - halyqtyń jeńisi. Saılaý qorytyndysy Qazaqstan halqy bolashaǵyn tek Sizben baılanystyryp otyrǵandyǵyn dáleldedi. Sizdiń basshylyǵyńyzben elimiz ekonomıkada da, syrtqy saıasatta da tabystaryn eselep, jańa jetistikterge qol jetkizetinine senimdimin. Shetelderde sizdi táýelsiz Qazaqstannyń negizin qalaýshy, uly reformator retinde tanıdy. Bul dúnıejúzinde ádil qalyptasqan pikir. Búkil álemdegi lıderler Sizge ǵalamdyq saıasatker retinde úlken qurmetpen qaraıdy», - dedi Q. Toqaev. Sonymen qatar, Senat tóraǵalyǵy qyzmetine toqtalǵan Q. Toqaev, bul jyldardy saıası sheberliktiń eń joǵarǵy mektebi retinde sanaıtynyn bildirdi. «Jýyrda meniń BUU júıesindegi qyzmetke taǵaıyndalýym da sizdiń bıik halyqaralyq bedelińiz arqasynda bolyp otyr», - degen Q. Toqaev áriptesterine, sondaı-aq birlese jumys atqarǵan Úkimet múshelerine erekshe rızashylyǵyn bildirdi.
«4 jyl ishinde Senat 532 zań qabyldap, Memleket basshysynyń strategııalyq baǵyt-baǵdaryn zańnamalyq turǵydan qamtamasyz etýge mol úles qosty. Palatanyń jemisti jumysy jańa tóraǵanyń qyzmetimen de jalǵasady dep oılaımyn», - dedi Q. Toqaev.
