Q.Toqaev Sıngapýrde jasóspirimder arasynda ótip jatqan Olımpıadalyq oıyndardyń alǵashqy qazaqstandyq chempıony Jánibek Qandybaevty quttyqtady
ASTANA. Tamyzdyń 23-i. QazAqparat - Tamyzdyń 21-inde Sıngapýrdegi olımpıadalyq aýylda, Qazaqstan delegatsııasynyń shtabynda saltanatty jıyn ótip, onda Parlament Senatynyń tóarǵasy Qasym-Jomart Toqaevtyń jasóspirimder arasyndaǵy Olımpıadalyq oıyndardyń alǵashqy qazaqstandyq chempıony Jánibek Qandybaevty quttyqtaǵan jedelhaty oqyldy.
Quttyqtaýda óz ónerimen búkil eldi jáne barsha Qazaqstan halqyn rýhtandyryp otyrǵan jas sportshynyń erligi erekshe atap kórsetildi, dep habarlady Týrızm jáne sport mınıstrligi Sport komıtetiniń Shtattyq ulttyq komandalar men sporttyq rezervter dırektsııasynyń baspasóz qyzmetinen.
Sıngapýrde tarıhta birinshi ret jasóspirimder Olımpıadasy bastalǵanyn QazAqparat budan buryn habarlaǵan bolatyn. Tamyzdyń 14-26-sy aralyǵynda ótip jatqan Olımpıadaǵa qazaq elinen 48 sportshy qatysýda. Olar negizinen 14 pen 18 jas aralyǵyndaǵy jasóspirimder. Bul álemdik dodada qatysýshylar sporttyń 30 túrinen baq synasýda.
