Q. Toqaev Senat depýtattary Tuńǵysh Prezıdenttiń ókilettigin uzartý týraly bastamany qoldaıtyndaryna senim bildirdi
ASTANA. 28 jeltoqsan. QazAqparat /Qanat Mámetqazyuly/ - Prezıdent ókilettigin uzartý týraly bastamany Senat depýtattary qoldap, onyń qajetti zańnamalyq negizin qamtamasyz etetinine senimdimin. Búgin QR Parlamenti Senatynyń jalpy otyrysynda palata tóraǵasy Qasym-Jomart Toqaev osylaı málimdedi.
«Aǵymdaǵy jyldyń aıshyqty oqıǵalar qatary taǵy bir tarıhı bastamamen tolyqty. Tuńǵysh Prezıdent Nursultan Nazarbaevtyń ókilettigin uzartý máselesi qoǵamda qyzý talqyǵa túsip, keńinen qoldaý tabýda. Buǵan Elbasynyń halyq ıgiligi úshin sińirgen qajyrly eńbegi, Otan múddesi úshin jasaǵan rııasyz qyzmeti negiz bolýda dep oılaımyn. Biz sáýleti dáýletine saı irgesi berik, álemde mereıi ústem bolǵan memlekettiń damýyndaǵy bıik belester men jetistikterdi Elbasynyń esimimen tikeleı baılanystyramyz. Osy sara joldaǵy kóshimizdiń ilgeri jyljýynyń birden-bir kepili Elbasynyń sarabdal saıasatynyń jalǵasyn tabýynda ekendigi sózsiz. Sondyqtan da Senat depýtattary atalǵan bastamany qoldap, ony júzege asyrýǵa qajetti zańnamalyq negizdi qamtamasyz eterine kámil senemin»,-dedi Senat Tóraǵasy Q. Toqaev.
