Q.Toqaev mýftı sheıh R.Gaınýtdındi Astanadaǵy bas meshittiń ashylýyna shaqyrdy
rong> Qazannyń 27-si. QazAqparat /Narymbek Ysmaǵulov/ - Seısenbi kúni QR Parlamenti Senatynyń tóraǵasy Qasym-Jomart Toqaev Reseı Mýftıler keńesiniń tóraǵasy Ravıl Gaınýtdındi Ortalyq Azııadaǵy iri «Áziret Sultan» bas meshitiniń ashylýyna Astanaǵa shaqyrdy.
Q.Toqaev Astanadaǵy bolashaq «Áziret Sultan» bas meshitiniń irgetasyna Memleket basshysy N.Nazarbaevtyń estelik kapsýla salǵanyn eske saldy.
Kezdesý barysynda taraptar Qazaqstan men Reseı arasyndaǵy ekijaqty damýdyń negizgi sıpattaryn talqylady. Q.Toqaev qatysýshylardy Qazaqstandaǵy dinaralyq qatynastardyń sıpaty týraly habardar etti. Qazaqstandaǵy musylmandar men pravoslavtar arasyndaǵy dástúrli ıgi qatynastardyń saqtalyp otyrǵanyn atady.
Senat spıkeri respýblıkada ótkizilip otyrǵan Álemdik jáne dástúrli dinder lıderleri sezderiniń rólin aıryqsha atady. Onyń aıtýynsha, bul forýmnyń maqsaty - beıbitshilik, kelisim ahýalyn, sondaı-aq túrli dinder arasyndaǵy ózara túsinistikti qurýǵa baǵyttalǵan Qazaqstannyń ornyqty saıasatyn kórsetý. Q.Toqaev sonymen qatar, Astanada bolyp ótken Qazaqstan halqy Assambleıasynyń sessııasy týraly áńgimelep berdi.
