Q.Toqaev Qytaı Kompartııasynyń delegatsııasyn qabyldady
ASTANA. QazAqparat - Qazaqstan Respýblıkasy Parlament Senatynyń Tóraǵasy Qasym-Jomart Toqaev Qytaı Kommýnıstik partııasy Ortalyq Komıteti Syrtqy baılanystar bóliminiń meńgerýshisi Sýn Taomen kezdesti.
Eki el qatynastaryn damytýǵa arnalǵan QPK delegatsııasy saparynyń zor mańyzyn atap óte kelip, joǵarǵy Palatanyń basshysy júzdesýshini Qazaqstannyń áleýmettik-ekonomıkalyq damýy jáne elimizdiń saıası júıesindegi Senattyń róli týraly habardar etti.
Taraptar eki memleket basshylarynyń kúsh-jigeri arqasynda qol jetken ózara senim men yntymaqtastyqtyń qalyptasqan joǵary deńgeıine qatysty ortaq pikir bildirdi. Ózara saıası qoldaý kórsetý, iskerlik áriptestikti, eki jaqtyń ulttyq múddelerine sáıkes jastar arasyndaǵy jáne mádenı almasýlardy ilgeriletý jónindegi kúsh-jigerdi óristetýge ázirligi atap ótildi.
Q.Toqaev depýtattardyń delegatsııalary arqyly parlamentaralyq yntymaqtastyqty, sondaı-aq parlament komıtetteriniń tóraǵalary deńgeıindegi baılanystardy údetýdiń mańyzdylyǵyn atap ótti.
Áńgime sońynda Senat Tóraǵasy Aqtóbedegi terrorlyq aktiniń qurbandaryna kóńil aıtý men terrorızmmen kúrestegi Qazaqstannyń kúsh-jigerin qoldaý sózderine oraı qytaı delegatsııasynyń basshysyna alǵys bildirdi. 
