Q. Toqaev: QR Prezıdenti bolashaqqa kóz jiberip, ıntegratsııanyń damýyn jaqtaıtyn suńǵyla saıasatker ekenin taǵy da qýattady
"MMÝ-de óz dárisinde Memleket basshysy jańa geosaıası jaǵdaılarda eýrazııalyq ıntegratsııany damytýdyń naqty baǵdarlamasyna toqtaldy. Keden odaǵy boıynsha Eýrazııalyq ekonomıkalyq odaq qandaı baǵytta damýy tıis, bul aýqymdy joba tabysty bolýy úshin qandaı sharalar qabyldaýǵa bolatynyn egjeı-tegjeıli aıta kele, ol óz áriptesterin óziniń izimen alysty boljaýǵa shaqyrdy", - dep sanaıdy Q. Toqaev.
"Prezıdent Nursultan Ábishuly Nazarbaevqa zamanaýı álemde tájirıbeliligi, suńǵylalyǵy, nátıjeliligi turǵysynan teń keletin saıasatker joq dep aıta alamyn. MMÝ-degi dáris "osydan 20 jyl buryn postkeńes qoǵamdastyǵyna usynylǵan ıntegratsııalyq jobanyń keleshegi týraly onyń oı-paıymynyń kvıntessentsııasyna aınaldy», - dep qosty ol.
Onyń pikirinshe, EAEO qurýdyń bastamashysy Nursultan Nazarbaevtyń alysty boljaı bilgen kóregendigi - Memleket basshysy bul jumysqa asa jaýapkershilikpen qaraý qajet dep sanaıdy, óıtkeni «kez kelgen jańsaq qadam nemese kemshilik iskerlik orta men mıllıondaǵan adamdardyń qoldaýynan aıyryp, ıntegratsııalyq úrdistiń jolyn kesýi múmkin».
Jańa birlestik qurýdyń paıdasyna salmaqty dálelderdiń birine prezıdent N. Nazarbaev jahandyq qubylys retinde ıntegratsııa týraly tezısti jatqyzdy. Bul pikirimen kelise otyryp, Q. Toqaev el kóshbasshysyn jahandyq qarjy-ekonomıkalyq daǵdarys jaǵdaıynda óńirlik uıymdardyń rólin kúsheıtý turǵysynan qoldaý qajettigin aıtty. Osydan 20 jyl buryn MMÝ-de dáris barysynda Nursultan Ábishuly, jańa ıntegratsııalyq birlestik ásirese mańyzdy ekonomıkalyq problemalardy sheshýge yqpal etýi tıis ekenin basa aıtqan bolatyn. Osy ýaqyt aralyǵynda álem adam tanymastaı ózgerdi, jahandyq qaýipsizdiktiń jańa qyrlarymen qatar adamnyń dúnıetanymyn, adamzat keleshegin túp-tamyrymen ózgertetin ınnovatsııalyq tehnologııalar paıda boldy. Budan basqa qazaqtandyq kóshbasshynyń ádil pikiri boıynsha ekonomıkalyq yqpaldastyq ortalyǵy Azııaǵa yǵysty, bul Qazaqstanǵa eýropalyq jáne azııalyq qurylyqtar arasyndaǵy baılanystyryp turǵan býyn retinde artyqshylyq beredi.
Q. Toqaev memleket basshysynyń EAEO jańa jahandyq ınnovatsııa jáne transulttyq bıznes ortalyǵy retinde qurylýy tıis degen tezısin qaǵıdatty túrde mańyzdy dep sanaıdy. Dáriste aıtylyp ótken bul oıdyń túpki maǵynasy Eýrazııalyq ınnovatsııalyq keńes, Biryńǵaı eýrazııalyq telekommýnıkatsııalar jelisin qurý, Mınsk-Astana-Almaty baǵyty boıynsha temir jol magıstraln, sondaı-aq «Kaspıı-Qara teńiz» arnasyn salý usynysyna saıady.
Senat spıkeriniń aıtýynsha, energetıkalyq yntymaqtastyq bolmasa, eýrazııalyq joba tabysty bolýy múmkin emes, óıtkeni N. Nazarbaev bul ózekti máselege de basa mán berdi. Eýrazııalyq keńistikte shaǵyn jáne orta bıznestiń ustanymyn nyǵaıtý da asa mańyzdy, ol jańa birlestikke degen halyqtyń senimi men qoldaýyn arttyrady.
EAEO qatysýshy memleketter Qazaqstan Prezıdentiniń Eýrazııalyq agrarlyq ekonomıka qurý jáne aýqymdy mádenı-gýmanıtarlyq yntymaqtastyqty damytýǵa kirisý qajettigi týraly usynysyna da oń kózqarasta ekendigine kúmán joq.
Q. Toqaev Keńes Odaǵyn qalpyna keltirý múmkin emestigi týraly Prezıdent N. Nazarbaevtyń málimdemesine halyqaralyq qoǵamdastyqtyń erekshe qyzyǵýshylyq tanytqanyna da basa mán berip ótti. Bedeldi saıasatker aıtyp ótken eýrazııalyq ıntegratsııa týraly tezıs KSRO-ǵa qaraı keri ketý emes, birlesip alǵa umtylý, ıaǵnı Qazaqstan táýelsizdigin joǵaltady degen alyp-qashpa taqyrypqa núkte qoıady. Qazaqstan kóshbasshysy keńestik dáýirge qaıta qaıtý múmkin emestigimen qosa, kez kelgen baıybyna barmaǵan saıasatker kelisýge májbúr bolatyn mańyzdy dálelder keltirdi» , - dep sanaıdy Senat spıkeri.
Q. Toqaevtyń pikirinshe, Prezıdent N. Nazarbaevtyń MMÝ-de oqyǵan dárisi asa saıası mańyzdy oqıǵa bolyp tabylady, óıtkeni álemdegi kóptegen elderde eýrazııalyq yqpaldasý aıasynda órbigen suraqqa negizdi jaýap bolady. Senat spıkeri atalmysh dáristiń materıalyn BUU, EQYU, basqa da halyqaralyq uıymdarǵa taratý qajet degen pikirdi ustanady, óıtkeni onyń avtory eýrazııalyq jobanyń bastamashysy Prezıdent N. Nazarbaev bolyp tabylady.
