Q.Toqaev: QR-dyń beıbitshil, syndarly syrtqy saıasaty, ishki turaqtylyǵy - elimizdiń halyqaralyq qaýipsizdikke qosqan eleýli úlesi (FOTO)
MÁSKEÝ. QazAqparat - Qazaqstannyń beıbitshil, syndarly syrtqy saıasaty, ornyqty ekonomıkalyq damýǵa negizdelgen ishki turaqtylyǵy bizdiń eldiń halyqaralyq qaýipsizdikke qosqan eleýli úlesi bolyp tabylady. Bul týraly Máskeýge 2 kúndik resmı sapary aıasynda ótken RF SІM Dıplomatııalyq Akademııasynyń oqytýshylyq quramy jáne tyńdaýshylarymen kezdesý barysynda Parlament Senatynyń Tóraǵasy Qasym-Jomart Toqaev málimdedi.
«Qazaqstan qysqa kezeńde birqatar strategııalyq mindetterdi sheshe bildi. Ásirese, bizdiń memleket óziniń halyqaralyq mindettemelerine jaýaptylyqpen qaraıtyn senimdi áriptes retinde halyqaralyq arenaǵa tanyldy», - dep atap ótti Q. Toqaev. «Budan basqa, aýmaǵy jaǵynan álemde toǵyzynshy oryndy ıelenetin uzyndyǵy 11 myń shaqyrymnan astam shekara zańdy túrde resimdeldi. Bul kún tártibinen kórshi memlekettermen ózara qarym-qatynasta shekaralyq daý-damaıdyń týyndaýyn boldyrmaýǵa, strategııalyq áriptestik pen ózara tıimdi yntymaqtastyqtyń negizin qalaýǵa múmkindik berdi», - dep qosty ol.
Senat tóraǵasy «Qazaqstan ıadrolyq qarýdy taratpaý rejimine óziniń beıildiligin málimdedi jáne qazirgi ýaqytta ıadrolyq qarýsyzdaný úshin jahandyq qozǵalysta kóshbasshy retinde qaralatynyn atap ótti».
«Bizdiń el syrtqy saıasatyn kórshi el bolsyn, shalǵaı el bolsyn, daý-damaısyz qalyptastyryp, olarmen qatynasty dostastyq, teń quqyqty, ózara túsinistik negizinde ustaı bildi. Bul saıasat Qazaqstannyń ulttyq múddelerine sáıkes keledi», - dedi Q. Toqaev. «Qazaqstannyń beıbitshil, syndardy syrtqy saıasaty jáne ornyqty ekonomıkalyq damýǵa negizdelgen ishki turaqtylyǵy bizdiń eldiń halyqaralyq qaýipizdikke qosqan eleýli úlesi bolyp tabylady», - dep atap ótti ol.
