Q.Toqaev qazaqstandyq volonterlerdi halyqaralyq qozǵalystarǵa belsendi qatysýǵa úndedi

ASTANA. QazAqparat – Memleket basshysy Qasym-Jomart Toqaev Halyqaralyq volonterler forýmynda qazaqstandyq eriktilerdi halyqaralyq qozǵalystarǵa belsendi qatysýǵa úndedi, dep habarlaıdy QazAqparat tilshisi.

«Tórtinshiden, volonterlik jáne qaıyrymdylyq qyzmettiń ınstıtýtsıonaldyq ınfraqurylymy qajet. Bizge volonterliktiń adamı áleýetin, uıymdastyrý jáne tehnıkalyq múmkindikterin óńirlik jáne halyqaralyq deńgeılerde nyǵaıtý kerek», - dedi Prezıdent

Memleket basshysy bul salada da halyqaralyq áriptestik mańyzy zor ekenine toqtaldy.

«Besinshiden, bizge volonterlik qyzmettiń halyqaralyq áriptestigine kóbirek kóńil bólý qajet. Bizdiń volonterler budan da keń aýqymdaǵy halyqaralyq volonterlik jeliniń bir bólshegine aınalyp, jahandyq qozǵalystarǵa qatysý kerek», - dedi Qasym-Jomart Toqaev.