Q.Toqaev: Qazaqstan Prezıdenti - naǵyz tarıhı tulǵa
ASTANA. 18 qazan. QazAqparat - Qazaqstan Respýblıkasy Prezıdenti Nursultan Nazarbaevtyń qatysýymen ótken Parlament Senatynyń otyrysynda jańadan saılanǵan Palata Tóraǵasy Qasym-Jomart Toqaev Elbasyǵa artqan senimi úshin alǵysyn aıtyp, Qazaqstan kóshbasshysynyń el tarıhyndaǵy sheshýshi rolin aıryqsha atap kórsetti, dep habarlady Senattyń baspasóz qyzmetinen.
«Sizdi búkil álem uly memleket qaıratkeri, uly reformator retinde jaqsy biledi, tanıdy, moıyndaıdy. Men buǵan Birikken Ulttar Uıymynda qyzmette júrip taǵy bir ret kóz jetkizdim. Іs júzinde bizdiń Prezıdentimiz naǵyz tarıhı tulǵa. Ol qazaq memleketiniń negizin salyp, asa kúrdeli ekonomıkalyq jáne geosaıası jaǵdaıda kópultty Qazaqstandy turaqty damý traektorııasy men álemniń aldyńǵy qatarly memleketteriniń deńgeıine shyǵara aldy. Jalpy bizdiń Prezıdentimiz tarıhty óz qolymen jasaıdy dep kúmánsiz aıtýǵa bolady», - dedi Q.Toqaev.
Spıkerdiń pikirinshe, 2007 jylǵy konstıtýtsııalyq reformalardyń arqasynda bizdiń memleketimizdiń saıası júıesindegi Parlamenttiń róli aıtarlyqtaı kúsheıdi. Zań shyǵarýshy organ reformalardy iske asyrý jáne álemdik arenada Qazaqstannyń bedeldi memleket retindegi áleýetin nyǵaıtýda mańyzdy rol atqarady, dep atap ótti Senat basshysy.
