Q.Toqaev Izraıl Premer-mınıstrimen kezdesti
Meımanmen kezdesýde Q. Toqaev B. Netanıahýdiń Memleket basshysy Nursultan Nazarbaevpen kelissózderiniń qorytyndylary túrli saladaǵy ekijaqty yntymaqtastyqty nyǵaıtýǵa tyń serpin beretinine senim bildirdi.
Q.Toqaevtyń aıtýynsha, qazaqstandyq parlamentshiler Izraıl Knessetimen dıalogty nyǵaıtýdy jáne ózara is-qımyldy óristetýge senim artady. Tóraǵa 2008 jyly parlamenttik delegatsııa basshysy retinde evreı memleketi táýelsizdiginiń 60 jyldyǵyna oraı Izraılge sapary týraly áńgimeledi.
Q.Toqaev Qazaqstannyń saıası júıesindegi Senattyń rólimen meımandy tanystyra otyryp, Prezıdent N.Nazarbaevtyń bastamasymen júrgizilgen ınstıtýtsıonaldy reformalardy zańnamalyq turǵyda qoldaý týraly áńgimeledi.
Áńgime barysynda saıası, ekonomıkalyq jáne gýmanıtarlyq, sondaı-aq halyqaralyq jáne aımaqtyq qaýipsizdik salalaryndaǵy ózekti máseleler boıynsha pikir almasyldy.
Izraıl úkimetiniń basshysy Astanaǵa dástúrli Qazaqstan-Izraıl dostyq qatynastaryn jańa ári joǵary deńgeıge shyǵarý úshin kelgenin atap ótti. Izraıl joǵary tehnologııalarmen bólisýge jáne Qazaqstanǵa ınvestıtsııalarmen járdemdesýge daıyn. B.Netanıahýdiń pikirinshe, eki memleket erkin saýda, tikeleı áýe qatynastaryn qalyptastyrý jáne birlesken bınes-jobalarǵa jan-jaqty kómektesý týraly ýaǵdalasýy kerek.
