Q.Toqaev EQYU PA basshylyǵymen, Ulybrıtanııa, Latvııa jáne Shvetsııa parlamentshilerimen kezdesti
ASTANA. QazAqparat - Senat Tóraǵasy Qasym-Jomart Toqaev «Dinder terrorızmge qarsy» halyqaralyq konferentsııaǵa kelgen delegatsııalarmen ekijaqty kezdesýler ótkizdi.
Atap aıtqanda, Q. Toqaev Aýstrııa Federaldyq Parlamenti Ulttyq keńesiniń depýtaty, EQYU Parlamenttik Assambleıasynyń Vıtse-Prezıdenti Krıstın Mýttonenmen jáne EQYU PA Bas hatshysy Roberto Montellamen, Latvııa Respýblıkasynyń Seımi Tóraǵasynyń orynbasary Inesa Lıbınıa-Egnere, Ulybrıtanııa jáne Soltústik Irlandııa Birikken Koroldigi Parlamenti Lordtar palatasynyń múshesi Mohammed Iltaf Sheıhpen, Shvetsııa Koroldigi Rıksdag depýtaty Kent Harstedtpen áńgimelesti.
Sheteldik meımandar aldaǵy 31 mamyrdaǵy «Dinder terrorızmge qarsy» konferentsııasynyń mańyzdylyǵyn atap ótip, terrorızm jáne ekstremızmmen kúrestegi jahandyq turǵydaǵy kúsh-jigerge forým laıyqty úles qosatynyna senim bildirdi. Parlamentshiler men álemdegi dinı qaıratkerlerdi bir alańǵa alǵash ret jınaǵan konferentsııanyń ereksheligine aıryqsha nazar aýdaryldy.
Q. Toqaev júzdesýshilerdi «100 naqty qadam» Ult josparyn iske asyrý aıasyndaǵy aýqymdy ınstıtýttyq reformalardy júzege asyrý týraly habardar etip, forýmǵa qatysqany úshin meımandarǵa rızashylyǵyn bildirdi.
