Q.Toqaev Ázerbaıjannyń birinshi hanymymen kezdesti

BAKÝ. QazAqparat - Ázerbaıjannyń birinshi hanymy, Geıdar Álıev atyndaǵy qordyń prezıdenti Mehrıban Álıeva BUU Órkenıetter alıansynyń VII Jahandyq forýmyna qatysqan Qazaqstan Parlament Senatynyń tóraǵasy Qasym-Jomart Toqaevpen kezdesti.

Qazaqstan Parlament Senatynyń tóraǵasyn Ázerbaıjanǵa kelýimen quttyqtaǵan Ázerbaıjan eliniń birinshi hanymy Baký qalasynda ótip jatqan BUU Órkenıetter alıansynyń VII Jahandyq forýmynyń mańyzyn atap ótti. Ol osyndaı bedeldi sharanyń elde ótkizilýi Ázerbaıjannyń órkenıetaralyq dıalog salasyndaǵy qyzmetine berilip otyrǵan baǵa nátıjesi bolyp tabylatynyn málim etti.

Kezdesýde Ázerbaıjan men Qazaqstan arasynda barlyq salalardaǵy yntymaqtastyǵy, sonyń ishinde parlamentaralyq baılanystar joǵary deńgeıde ekeni atap ótildi.