Q. Toqaev Álemdik jáne dástúrli dinder lıderleri sezi hatshylyǵy aıasynda jańa jumys tobyn qurýdy usyndy
A. Jeltoqsannyń 2-si. QazAqparat /Qanat Mámetqazyuly/ - Búgin elordada ótip jatqan Álemdik jáne dástúrli dinder lıderleri sezi hatshylyǵynyń ІH otyrysynda sóz sóılegen QR Parlament Senatynyń tóraǵasy Qasym-Jomart Toqaev hatshylyq jumysyna qatysty jańa jumys tobyn qurýdy usyndy,
dep habarlaıdy QazAqparat.
Senat tóraǵasynyń aıtýynsha, 2007 jyly hatshylyqtyń ÚІ otyrysynda ІІІ sezdiń qorytyndy qujatyn daıyndaýmen aınalysatyn arnaıy jumys toby qurylǵan bolatyn. «Búgingi kúni sezd aıasynda joǵary deńgeıdegi kezdesýlerdiń kúntártibin ázirleý men qorytyndy qujattardyń jobalaryn daıyndaıtyn 9-10 adamnan turatyn jańa Jumys tobyn qurýdy qarastyrsaq. Burynǵy top óz mindetin tolyǵymen atqardy. Osy oraıda ózara kelise otyryp, jańa Jumys tobyna kandıdatýralar usynýdy suraımyn. Onyń músheleri hatshylyq atynan sóıleýge, sheshimder qabyldaýǵa tolyq ókilettikterge ıe bolý kerek dep esepteımin. Bul forýmǵa daıyndyq barysynda týatyn ártúrli máseleler boıynsha jedel sheshimder qabyldaýǵa oń áserin tıgizedi», dedi Q. Toqaev.
