Q.Saýdabaevtyń atynan RF Syrtqy ister mınıstri S.Lavrovqa kóńil aıtý jedelhaty joldandy
ASTANA. 26 qańtar. QazAqparat - Seısenbi kúni Qazaqstan Respýblıkasynyń Memlekettik hatshysy - Syrtqy ister mınıstri Qanat Saýdabaevtyń atynan Reseı Federatsııasynyń Syrtqy ister mınıstri Sergeı Lavrovqa Máskeý aeroportynda bolǵan teraktige qatysty kóńil aıtý jedelhaty joldandy,
dep habarlady syrtqy ister vedomstvosynyń baspasóz qyzmetinen.
"2011 jyldyń 24 qańtarynda «Domodedovo» áýejaıynda bolǵan lańkestik áreketteri nátıjesinde beıbit azamattardyń qurban bolǵandyǵy týraly habardy úlken qaıǵymen qabyldadym. Qazaqstan Respýblıkasy lańkestikke qarsy kúresin jáne atalǵan zulymdyqty túbegeıli joıý úshin álemdik qaýymdastyqty naqty qadamdarǵa shaqyrady. Osy lankestikti uıymdastyrýshylar der kezinde tabylyp, óz jazasyn alady dep senemin», - delingen jedelhatta.
