Q. Saýdabaev Tashkentte ótetin ShYU Syrtqy ister mınıstrleri keńesiniń otyrysyna qatysady

dep habarlaıdy QazAqparat SІM baspasóz qyzmetine silteme jasap.

Jıyn barysynda qatysýshylar jahandyq qarjy daǵdarysynyń saldaryn eńserý, halyqaralyq valıýta-qarjylyq júıeni reformalaý, jappaı qyryp-joıý qarýlaryn taratpaý sekildi máselelerdi qamtıtyn óńirlik jáne ǵalamdyq problemalardy talqylaıtyn bolady. Sonymen birge, otyrysta terrorızmge qarsy sharalarda ózara baılanysty keńeıtý, Aýǵanystanǵa kómek berýde halyqaralyq qaýymdastyqtyń jigerin úılestirý sharalary da talqyǵa salynatyn bolady.

Kezdesýdegi mańyzdy máselelerdiń biri - qyrǵyz elindegi jaǵdaıdy talqylaý bolyp otyr. Bul rette jıynǵa qatysýshylar ShYU jelisi boıynsha qyrǵyz elindegi áriptesterine qajetti qoldaýlar kórsetý sharalaryn da talqyǵa salady dep kútilýde.

ShYU-ǵa qatysýshy memleketterdiń syrtqy saıasat vedomstvo basshylary aǵymdaǵy maýsym aıynda Ózbekstan astanasynda ótetin ShYU memleket basshylarynyń sammıtine shyǵarylatyn qujattar jobasyn da talqylaıdy.