Q. Saýdabaev: Nursultan Nazarbaev Memleket basshysy retinde EQYU-ǵa jańa serpin berdi
STANA. Maýsymnyń 30-y. QazAqparat /Rýslan Ǵabbasov/ - Elbasy Nursultan Nazarbaev EQYU-ǵa jańa serpin berdi. Bul týraly búgin Astanada Toleranttylyq jáne kemsitýshilikke jol bermeý jónindegi joǵary deńgeıdegi EQYU konferentsııasynan keıingi baspasóz máslıhatynda QR Memlekettik hatshysy - Syrtqy ister mınıstri Qanat Saýdabaev aıtty.
«Bizdiń aǵymdaǵy 6 aıdaǵy jumysymyzǵa qatysýshy memleketterdiń, sonymen qatar úkimettik emes uıymdardyń jáne de bizdiń opponentterdiń tarapynan aldyn ala baǵasynyń qorytyndysy berilip jatyr. Osy oraıda búgin qýana atap óterim, olardyń barlyǵynyń pikiri bir arnada toǵysyp otyr»,-dedi Memlekettik hatshy.
Q. Saýdabaevtyń sózine qaraǵanda, olardyń pikirinshe Prezıdent Nazarbaev Memleket basshysy retinde, EQYU-ǵa jańa serpin berip, onyń aldynda ózekti ári ambıtsııalyq maqsattardy qoıýǵa yqpal etti. «Bul óz kezeginde bizdiń jumystyń qarqynyn údete tústi»,- dep atap ótti Memlekettik hatshy.
