Q. Saýdabaev «EQYU-nyń eýrazııalyq ólshemi» atty ekinshi Transazııalyq parlamenttik forýmǵa qatysady

dep habarlaıdy QazAqparat.

QR Syrtqy ister mınıstrliginiń baspasóz hatshysy Іlııas Omarovtyń aıtýynsha, atalmysh forým bizdiń eldiń EQYU-ǵa tóraǵalyǵy barysyndaǵy aǵymdaǵy jyly Qazaqstanda ótkizilgeli otyrǵan birinshi iri shara bolyp tabylady. Forýmǵa tek qana EQYU-ǵa qatysýshy elderdiń parlamentshileri ǵana emes, sonymen berge EQYU-nyń yntymaqtastyq jónindegi áriptesteri - Jerorta teńizi jáne azııalyq elderdiń, Pákistannyń parlamentshileri, sondaı-aq dıplomatııalyq korpýstyń, EQYU ınstıtýttarynyń jáne túrli parlamenttik uıymdardyń ókilderi qatysatyn bolady. «Aldaǵy forýmnyń kún tártibinde Aýǵanstandaǵy jaǵdaı, lańkestikpen, esirtki trafıgimen kúres, qarýsyzdaný, ekonomıkalyq damý, saýda, resýrstardy basqarý, eńbek mıgratsııasy, ekologııalyq problemalar, dinı tózimdilik, saıası damý, adam saýdasymen kúres, genderlik teńdik syndy máselelerdi talqylaý kózdelip otyr. Forým aıasynda Qyrǵyzstandaǵy jaǵdaıǵa arnalǵan arnaıy sessııany ótkizý kózdelýde», dedi baspasóz hatshysy.