Q. Saýdabaev Brıýsselde mınıstrler deńgeıindegi EQYU-EO birlesken májilisiniń jumysyna qatysady
A. Qańtardyń 18-i. QazAqparat /Ernur Aqanbaı/ - Qańtardyń 26-da EQYU-nyń qazirgi tóraǵasy - QR Memlekettik hatshysy-Syrtqy ister mınıstri Qanat Saýdabaev Brıýsselde ótetin mınıstrler deńgeıindegi Eýropadaǵy qaýipsizdik jáne yntymaqtastyq uıymy-Eýropalyq odaq birlesken májilisiniń jumysyna qatysady.
Bul týraly búgin Astanadaǵy aptalyq brıfıngte QR Syrtqy ister mınıstrliginiń resmı ókili Asqar Ábdirahmanov málim etti, dep habarlaıdy QazAqparat.
«Josparlanǵan kelissózderdiń barysynda óńirlik qaýipsizdikti qamtamasyz etý jónindegi, sonyń ishinde Aýǵanstan problemasy boıynsha, eki uıymnyń arasyndaǵy jumysty tıimdi úılestirý máselelerin, sozylyp ketken qaıshylyqtardy beıbit jolmen sheshý joldaryn izdestirý, «Korfý úderisin» ilgeriletý máselelerin jáne eýropalyq qaýipsizdiktiń keleshektegi qurylysy jónindegi dıalogty, sondaı-aq ózara qyzyǵýshylyq týǵyzatyn basqa da birqatar máselelerdi talqylaý bar», dedi resmı ókil.
Onyń aıtýynsha, Brıýsselge sapary aıasynda Q. Saýdabaevtyń Belgııa Koroldiginiń, Eýropalyq odaqtyń jáne NATO-nyń basshylyǵymen birqatar kezdesýleri josparlanǵan.
