K. Rybınskı T.Rysqulov atyndaǵy Jańa ekonomıkalyq ýnıversıtettiń rektory bolyp saılandy
ALMATY. QazAqparat - Professor Kshıshtof Rybınskı «Turar Rysqulov atyndaǵy Jańa ekonomıkalyq ýnıversıtettiń» rektory bolyp saılandy, dep habarlaıdy JOO-nyń baspasóz qyzmetinen.
Buǵan deıin onyń rektory qyzmetin Serik Svıatov atqarǵan, ol ýnıversıtet dırektorlar keńesiniń jáne «Fortebank» AQ birlesken bankiniń tóraǵasy bolyp saılanýyna oraı bul jumysynan ketti.
Rybınskı Polsha Ulttyq bankiniń vıtse-prezıdenti, EO Komıssııasynyń ekonomıkalyq jáne qarjy máseleleri boıynsha múshesi, sondaı-aq Polshadaǵy Dúnıejúzilik banki dırektorynyń orynbasary bolǵan. 2008 jyly K.Rybınskı Ernst & ıAng.. kompanııasynyń seriktesi boldy. Ekonomıka salasyndaǵy doktor dárejesine ıe. Polıak, aǵylshyn, orys jáne japon tilderin meńgergen.
