K. Plotnıkov pen H. Qambarova Esep komıtetiniń músheleri bolyp taǵaıyndaldy

ASTANA. QazAqparat - Búgin Parlament Májilisiniń jalpy otyrysynda palata depýtattary Konstantın Plotnıkov pen Halıda Omarovany Respýblıkalyq bıýdjettiń atqarylýyn baqylaý jónindegi esep komıtetiniń múshesi etip taǵaıyndady.

Konstıtýtsııaǵa sáıkes, Parlamenttiń ár palatasy Respýblıkalyq bıýdjettiń atqarylýyn baqylaý jónindegi esep komıtetiniń úsh múshesin bes jyl merzimge taǵaıyndaıdy. Esep komıtetiniń eki múshesiniń merzimi aıaqtalǵan bolatyn. Al Esep komıtetine múshelerdi Palata Tóraǵasy usynady. Osyǵan baılanysty Májilis Tóraǵasy Baqtyqoja Іzmuhanbetov komıtet múshesi qyzmetine Konstantın Plotnıkovtyń jáne Halıda Qambarovanyń kandıdatýrasyn usyndy.

Palata depýtattary eki kandıdatýrany da qoldap, olardy Respýblıkalyq bıýdjettiń atqarylýyn jónindegi esep komıtetiniń múshesi etip taǵaıyndaýǵa kelisim berdi.

Atalǵan eki kandıdat ta buǵan deıin Respýblıkalyq bıýdjettiń atqarylýyn baqylaý jónindegi esep komıtetiniń múshesi bolyp qyzmet etip kelgen bolatyn.