K.Pervak, A.Golýbev, M.Kýkýshkın Qazaqstan Prezıdenti Kýbogyn jeńispen bastady
ASTANA. 22 shilde. QazAqpara - Tennısten Qazaqstan quramasynyń kóshbasshylary Mıhaıl Kýkýshkın men Andreı Golýbev juptyq óner kórsetýde jáne Ksenııa Pervak jekeleı synda Prezıdent Kýbogynyń alǵashqy oıyndaryn jeńispen aıaqtady, dep habarlaıdy Vesti.kz.
Mıhaıl Kýkýshkın men Andreı Golýbev juby qazaqstandyqtar Saǵadat Aıap pen Serijan Esenbekovti 6:0;6:2 esebimen tize búktirse,
Ksenııa Pervak ta alǵashqy synda Kamıla Kerimbaevany dál osyndaı eseppen utty.
Esterińizge sala keteıik, elordadaǵy týrnırdiń júlde qory 225 myń dollardy quraıdy. Týrnırge álemniń 25 elinen sportshylar jınaldy. Áıelder arasyndaǵy synda Portýgalııadan kelgen Marııa Joao Kohler (WTA reıtınginde 106-shy orynda), erlerde - Dýdı Sela (Izraıl, álemniń 88-shi raketkasy) birinshi nómirge ıe boldy.
