Q.Nurtastyń «Men ǵashyqpyn...» atty kontserti «Qazaqstan» telearnasynda tikeleı efırden kórsetiledi
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «Qazaqstan» ulttyq telearnasynyń basqarma tóraıymy Nurjan Muhamedjanova aıtty.
«5 maýsym kúni ótken «Mýz-TV Gravıtatsııa» dep atalatyn úlken mýzykalyq shoý-kontsertti, onyń qarsańynda «Open Air» dep atalatyn jastardyń bı-shoý kontsertin tikeleı efırde júrgizip, kórermenderimizge jaqsy kóńil-kúı syılaǵan bolatynbyz. Mine, osy jaqsy dástúrdi jalǵastyrý maqsatynda «Qazaqstan» telearnasy arqyly kontserttik shoýdy búgin keshte tikeleı efırde kórseteıik degen sheshim qabyldadyq, - dedi N.Muhamedjanova.
Aıta keteıik, Q.Nurtas Astana men Almaty qalalarynda ótetin kontsertten túsken qarajattyń 8 mln. teńgesi qaıyrymdylyq sharalarymen belsendi aınalysyp júrgen qorlarǵa aýdarmaq. Naqty aıtqanda Astana qalasynan túsken qarjynyń 2 mln. teńgesi «San adam» qoryna 1,5 mln. teńgesi «Únsiz álem» qoryna, 1,5 mln. teńgesi «Qazaq soqyrlar qoǵamy» qoǵamdyq birlestigine, al Almatydan túsken qarjynyń 1,5 mln. teńgesi «Aınalaıyn» balalar-jasóspirimder ortalyǵy» jastar klýby qoǵamdyq birlestigine, 1,5 mln. teńgesi Taldyqorǵan qalasynyń «Qarlyǵash» múgedek áıelder qoǵamdyq birlestigine aýdarylady