Q.Nurtas «Men ǵashyqpyn...» atty kontsertinen túsken qarjynyń 8 mln. teńgesin qaıyrymdylyq qorlaryna aýdarady
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «Qazaqstan» ulttyq telearnasynyń basqarma tóraıymy Nurjan Muhamedjanova aıtty.
«Tuńǵysh ret elimizde jas ánshi óziniń shyǵarmashylyq eńbeginiń 10 jyldyq mereıtoıyna oraı 3D grafıkamen úlken kontsert ótkizeıin dep otyr. Bul kontsertten túsken qarjy qaıyrymdylyq qoryna aýdarylady», - dedi ol.
Onyń atap ótýinshe, «Qazaqstan» telearnasy árdaıym elimizdegi jas ónerpazdardy, qazaq ónerin pash etip júrgen azamattarymyzdy únemi qoldap otyrady.
«Sondyqtan biz ózimizdiń osy dástúrimizden tanbaı jas ónerpazdyń ónerin qoldaǵymyz keldi. Ózderińiz de bilesizder, Qaırat Nurtas bizdiń elimizdegi aıryqsha qubylys desek bolady», - dedi N.Muhamedjanova.
Aıta keterligi, Astana men Almaty qalalarynda ótetin kontsertten túsken qarajattyń 8 mln. teńgesi qaıyrymdylyq sharalarymen belsendi aınalysyp júrgen qorlarǵa aýdarylady. Naqty aıtqanda, Astana qalasynan túsken qarjynyń 2 mln. teńgesi «San adam» qoryna 1,5 mln. teńgesi «Únsiz álem» qoryna, 1,5 mln. teńgesi «Qazaq soqyrlar qoǵamy» qoǵamdyq birlestigine, al Almatydan túsken qarjynyń 1,5 mln. teńgesi «Aınalaıyn» balalar-jasóspirimder ortalyǵy» jastar klýby qoǵamdyq birlestigine, 1,5 mln. teńgesi Taldyqorǵan qalasynyń «Qarlyǵash» múgedek áıelder qoǵamdyq birlestigine aýdarylady.