Q. Muhamedhanov kóshesinde qozǵalys ýaqytsha shekteledi
ASTANA. KAZINFORM — Elordada Q. Muhamedhanov kóshesiniń Sh. Aıtmatov kóshesimen qıylysý aýmaǵynda jol tósemin jóndeý jumystary júrgiziledi. Bul týraly Astana qalasynyń ákimdigi málim etti.
— Qala turǵyndary men qonaqtaryna Q. Muhamedhanov kóshesiniń Sh. Aıtmatov kóshesimen qıylysý aýmaǵynda jol tósemin jóndeý jumystary júrgiziletinin habarlaımyz. Osyǵan baılanysty 26 tamyz kúni atalǵan ýchaskede kólik qozǵalysy ishinara shekteledi, — delingen habarlamada.
Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady.
— Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, — delingen ákimdiktiń habarlamasynda.
Eske sala keteıik, buǵan deıin Astanada Shyńǵys Aıtmatov kóshesiniń bir bóligi 29 tamyzǵa deıin jabylatynyn jazdyq.
