K.Másimov TMD ÚBK otyrysy qorytyndysyn «elder ıntegratsııasyndaǵy kezekti qadam» retinde baǵalady

BÝRABAI. QazAqparat - Búgin Býrabaıda QR Premer-Mınıstri Kárim Másimov otandyq jáne sheteldik BAQ-qa arnalǵan brıfıngte sóılegen sózinde TMD Úkimet basshylary Keńesi otyrysynyń qorytyndysyn jasady.

«Kezdesý barysynda baıypty suhbat ótti. Otyrystyń kún tártibi 20 qujattan quraldy, olardyń bári talqylanyp, sáıkes sheshimder qabyldandy», - dedi Premer-Mınıstr.

Ásirese ol qarjy-ekonomıkalyq saladaǵy ózekti máselelerdi sheshý boıynsha qabyldanǵan birlesken is-qımyl josparyn erekshe atap ótti.

«Bul qujat jahandyq qarjy daǵdarysy saldaryn jumsartý boıynsha birlesken keshendi jumysymyzdyń «jol kartasy» bolyp tabylady. Halyqaralyq tasymaldaýdy júzege asyrý kezindegi kólik qaýipsizdigin qamtamasyz etý Strategııasy da asa mańyzdy, ony júzege asyrý TMD keńistigindegi ekonomıkalyq baılanystardy jáne qaýipsizdikti nyǵaıtýǵa septigin tıgizedi», - dep tolyqtyrdy K.Másimov.

Premer-Mınıstr «búgingi keńes bizdiń elderimizdiń ıntegratsııa jolyndaǵy, halqymyzdyń ál-aýqatyn arttyrýdaǵy kezekti qadam bolatyndyǵyn» basa aıtyp, TMD ÚBK otyrysy qorytyndysyna kóńili tolǵandyǵyn bildirdi, dep habarlaıdy primeminister.kz.