K. Másimov sandyq telearna men elektrondyq qyzmet kórsetý máselelerin qarastyrýdy tapsyrdy
ASTANA. Qarashanyń 10-y. QazAqparat /Rýslan Ǵabbasov/ - Búgin Úkimet otyrysynda Premer-Mınıstr Kárim Másimov Aqparattandyrý jáne baılanys agenttigi men Qarjy mınıstrligine, sondaı-aq basqa da memlekettik organdarmen birlese eksporttyq-ımporttyq operatsııalar men taýarlardy elektrondyq resmı málimdeýge kóshý úshin «jalǵyz tereze» jáne elektrondyq qyzmet kórsetý protsedýralaryn engizý boıynsha usynystardy qarastyrýdy tapsyrdy,
dep habarlaıdy QazAqparat.
Munymen qosa, Premer-Mınıstr Aqparattandyrý jáne baılanys agenttigi men Mádenıet jáne aqparat mınıstrligine sandyq telearnany damytýǵa baılanysty máseleni qarastyrýdy júktedi. «Bul máseleni biz aıtarlyqtaı kóp talqyladyq. Aldymen buǵan núkteni qoıý úshin keńeste talqylap, keıin Úkimet otyrysyna engizýimiz kerek», dedi Úkimet basshysy.
