K.Másimov Parlamenttiń birqatar depýtattarymen kezdesýler ótkizdi

«Parlament depýtattarymen kezdesýdi bastadym. M.Pishenbaev qazaqstandyq úles týraly habarlady. Jumys júrip jatyr», - dep jazdy Premer-Mınıstr óziniń Twitter-degi jeke paraqshasynda.

«Depýtat R.Madınov - onyń máseleleri búgin keńeste talqylanǵan aýyl sharýashylyǵy jáne egis naýqanymen baılanysty», - dep jazdy atalmysh kezdesýlerge qatysty kezekti oıymen bólisken K.Másimov.

Al depýtat O.Dymov kezdesý barysynda Pavlodar oblysynyń máselesin kóterdi. Mınıstrler kabıneti basshysynyń pikirinshe, ákim B.Saǵyntaev olarǵa muqııat zer salyp jumys isteý kerek.

«Depýtat S.Ospanov kótergen máseleler Bas prokýror A.Daýylbaev pen ákim Q.Kósherbaevtyń qaraýyn qajet etedi», - dep jazǵan Premer.

Sondaı-aq K.Másimov depýtattar T.Sımambaev, Ú.Medeýov jáne S.Plotnıkpen, jer qatynastary máselesin kótergen Q.Omarovpen jáne ıÝ.Tshaımen, jastar saıasaty máselesin kótergen T.Berdońǵarovpen júzdesti. Al M.Ábenovtyń aqparattyq qoǵamdy qazaq tilinde damytý týraly qyzyqty ıdeıasyn júzege asyrýmen Premerdiń oıynsha, A.Jumaǵalıev aınalysýy tıis.