K. Másimov orynbasary Erbol Orynbaevqa oqýlyqtardyń sapasyna qatysty keńes ótkizýdi tapsyrdy

Búgin Úkimettiń selektorlyq formattaǵy otyrysy barysynda Úkimet basshysy halyq qalaýlylary tarapynan oqýlyqtardyń sapasyna qatysty saýaldar kóp túsetinin aıta kele, osy oraıda Bilim jáne ǵylym mınıstri Baqytjan Jumaǵulovtan atalǵan máselelerge qatysty pikirin surady.

Óz kezeginde halyq qalaýlylary tarapynan oqýlyqtardyń sapasyna qatysty túsken saýaldar men syndardyń negizsiz emes ekendigin aıtqan mınıstr: «Qazaqstan eshqashanda óziniń oqýlyǵyn shyǵarýmen aınalysqan emes. Oqýlyqtardyń jańa býynyn biz táýelsizdik alǵannan keıin iske qostyq. Mol tájirıbemiz joq. Degenmen, osy jaıttarǵa qaramastan ótken jyldan bastap oqýlyqtarǵa 3 deńgeıli saraptama ótkizýdi engizdik»,-dedi.

B. Jumaǵulovtyń atap ótýinshe, qazirgi ýaqytta «Oqýlyq» ortalyǵy kitaptyń bilim standarttaryna saı kelýine, mazmunyna saraptama júrgizedi. Osydan keıin atalǵan oqýlyq Y. Altynsarın atyndaǵy akademııa qaraýyna túsip, qalǵan batyttar boıynsha saraptamadan ótedi. Úshinshi kezekte respýblıkalyq keńes qaraýyna beriledi. Atalǵan keńestiń quramyna bilim salasynda eńbek etken qazirgi ýaqytta Senat jáne Májilis depýtattary, memlekettik organdardyń ókilderi kirdi.

«Ótken jyly osy respýblıkalyq keńes oqýlyqtardyń sapasyn qarady. Biz aıtarlyqtaı nátıjege qol jetkizdik. Degenmen bul shek emes. Bilim jáne ǵylym mınıstrliginiń ustamy basqalarmen belsendi jumys isteýge baǵyttalady»,-dedi B. Jumaǵulov.

Óz kezeginde, Premer-Mınıstr orynbasary E. Orynbaevqa Bilim jáne ǵylym mınıstrligimen birlesip oqýlyqtardyń sapasyna qatysty keńes ótkizýdi tapsyrdy.