K. Másimov Mońǵolııa Premer-Mınıstri J. Erdenebatty qyzmetke taǵaıyndalýymen quttyqtady
ASTANA. QazAqparat - Qazaqstan Respýblıkasynyń Premer-Mınıstri K. Másimov Mońǵolııa Premer-Mınıstri J. Erdenebatty qyzmetke taǵaıyndalýymen quttyqtady, dep habarlaıdy Pm.kz.
«Qazaqstan men Mońǵolııa arasyndaǵy dostyq jáne senimdi ózara qarym-qatynas nyǵaıý men jan-jaqty damýdyń jaqsy úrdisine ıe. Eki jaqty yntymaqtastyqtyń tereń áleýetin eskersek, keleshekte ol óz jalǵasyn taýyp, eki eldiń órkendeýine jumys jasaıtynyna senimdimin», - delingen quttyqtaý jedelhatynda.
«Aǵymdaǵy jyldyń 15-16 shildesinde Mońǵolııa astanasy Ulanbatyrda ótetin «Azııa - Eýropa» 11 Sammıtiniń qorytyndylary elińizdiń qarqyndy damýyna jańa serpin beretinin senimmen aıta alamyn», - dep basa aıtty QR Premer-Mınıstri.
QR Premer-Mınıstri J. Erdenebatqa zor densaýlyq, baqyt, jumysta tabys, al yntymaqtas mońǵol halqyna beıbitshilik pen gúldený tiledi.
