K. Másimov kúzde «Qashaǵanda» munaı óndirýdi qamtamasyz etýdi tapsyrdy
ASTANA. QazAqparat - Búgin Úkimet otyrysynda QR Premer-Mınıstri Kárim Másimov bıyl kúzde «Qashaǵanda» munaı óndirýdi bastaýdy qamtamasyz etýge tapsyrma berdi.
2016 jyldyń qazanynda «Qashaǵanda» munaı óndirýdi bastaý maqsaty turǵanyna toqtalǵan K. Másimov: «Osynyń aınalasynda barlyq qajetti kelissózder júrgizilip, tıisti normatıvtik sheshimder qabyldandy. Sondyqtan «Qashaǵan» iske qosylýy úshin sizder konsortsıýmmen birlese osy jumystardy aıaǵyna deıin jetkizýlerińiz kerek», - dedi Premer-Mınıstr QR Energetıka mınıstrligine qaratyp aıtqan sózinde.
