K.Másimov qurylys salýshylar zańsyz shetelge shyǵarǵan kapıtal men múlikterdi qaıtarý jónindegi jumysty jalǵastyrýdy tapsyrdy
ASTANA. 13 jeltoqsan. QazAqparat - Kúnniń ekinshi jartysynda QR Premer-Mınıstri Kárim Másimov úleskerlik qurylystyń problemalyq máselelerin sheshý boıynsha Biryńǵaı úılestirý keńesiniń kezekti otyrysyn ótkizdi.
Bul týraly QR Úkimet basshysynyń baspasóz qyzmeti habarlap otyr.
Úleskerlerdiń turǵyn úı qurylys nysandaryn aıaqtaý máseleleri, sonymen qatar mindetterin jaýapsyz atqarǵan qurylysshylardyń úleskerlerge tıgizgen zalal mólsherin joıý úshin olardyń aktıvterin qaıtarý jónindegi máseleler talqylandy.
K.Másimov qurylys salýshylardyń shetelderge zańsyz shyǵaryp áketken múlikteri men kapıtaldardy qaıtarý týraly memlekettik organdardyń birlesken is-qımyl josparyn júzege asyrý jónindegi jumystardy jalǵastyrýdy tapsyrdy.
